المريض اللى بياخد بلافيكس وأسبرين لفترة طويلة منعا للجلطات القلبية بيحصل ألم واضطرابات ف المعدة gastric upset كأثار جانبية ليهم ينفع الدكتور يوصف اميبرازول Omeprazole للحالة دى ؟
- البلافكس فية مادة كلوبيدوجريل بتتصنع على شكل prodrug يعنى غير فعال ولازم يحصلها تنشيط الاول activation عشان يدى مفعول , وهذا التنشيط بيحصل فى الكبد بفعل انزيمات معينة مثل CYP 2C19 و CYP 3A4 , ولو احنا اخدنا دوا بيمنع اى انزيم من دول هيحصل ايه ؟؟
اكيد مش هيعمل تنشيط لمادة الكلوبيدوجريل وهيفضل فى صورة ال prodrug والفاعلية هتقل مش هتزيد.
- وجدوا ان الاميبرازول بيمنع انزيم CYP 2C19 , وبالتالى هيقلل ال activation بدرجة كبيرة ومفعول الكلوبيدوجريل هيقل والمريض هيكون اكثر عرضه للجلطات القلبية.
للأمانة العلمية أى دوا يلزمه من 7 الى 10 ايام عشان يعمل enzyme inhibition يعنى لو استخدمت اى دوا من دول لمدة اسبوع مفيش اى مشكلة ، ولكن لأن مريض البلافكس والأسبرين مستمر لفترات طويلة يلزمه حاجة للمعدة لفترات طويلة لان السبب مازال موجود وهو استخدام الدوايين اللى عملو stomach upset .
فننصح استعمال لانزوبرازول او بانتوبرازول او رانتدين او فاموتيدين الغير مؤثرين اكلينكيا علي هذا الانزيم بدلا من اميبرازول .